كانت الناس لما تسمع صوت الآذان من الشيخ عبد الباسط عبد الصمد أو تسمع القرآن بصوته هو والشيخ الحصرى والشيخ مصطفى إسماعيل أو الشيخ محمد على البنا أو محمد صديق المنشاوي أو تسمع الشيخ سيد النقشبندي وهو بيقول يارب فى رمضان الخ تحس ب الخشوع وقلبك يرق وتبقي عايز تجري على بيوت ربنا رغم انك كنت بتسمع صوتهم فى الراديو أو تشاهدهم أحيانا فى التفاز الابيض والاسود مكنش حد فيهم لابس جلابية باكستانية لحد الركبة ولا كان حد فيهم بيحلم بأن حاكم تركيا يكون خليفة للمسلمين ولا كان حد فيهم بيكفر ويحلل على مزاجة حسب تعليمات الأمير ونصوص كتب الهند ومكنش في حاجة إسمها أهل الحل والعقد وكان الإيمان عند الناس بشكل عام هو ما وقر فى القلب وصدقه العمل
وكنت تحس بروح الدين بجد عند الشعب المصري كله فى الوقت ده مكنش في غطاء على الرؤوس ولا غطاء اسود على قلوب الناس وفى الغناء كان عبدالحليم حافظ بيغني للثورة والسد والعمال والفلاحين والحب كمان وحاله من الرومانسيه تسيطر على العقول والقلوب وأم كلثوم بتغني وتطرب القلوب وتجمع التبرعات علشان اسم مصر وتغني فايزة احمد ونجاة وشادية وفريد ومحرم فواد ويلحن بليغ ومحمد عبدالوهاب ومحمد الموجى ويكتب مرسى جميل عزيز وحسين السيد وعبد الرحمن الأبنودي وصلاح جاهين وعبد الرحيم منصور وفى السينما المصرية تلاقي فيلم الأرض والزوجة الثانية والحرام والعزيمة والفتوة وباب الحديد وتلاقي عباقرة عظام فى النقد الأدبى والفلسفة والقصة من أمثال الدكتور لويس عوض ومحمود امين العالم وزكى نجيب محمود ونجيب محفوظ ويوسف ادريس وتوفيق الحكيم وصنع الله إبراهيم وشعراء أمثال أمل دنقل وصلاح عبد الصبور واحمد عبدالمعطي حجازى ونجيب سرور وفواد حداد وعلى أرض الواقع الف مصنع ومسجد جديد فى كل محافظة ووحدة صحية فى كل قرية وبيوت جديدة للفلاحين ومياه صالحة للشرب
والزراعة وقيمة الجنيه مقابل الدولار عاليا لفوق لما تفتكر كل ده لازم تقول الله يرحمك يا عبدالناصر عاش ومات فى عشق مصر ويوم ما مات عاش فى قلوب ووجدان العمال والفلاحين رغم أنف تجار الدين وأنصار رجب طيب أردوغان ولما حضرتك تقعد تقارن بين كل حكام مصر بداية من العصر الإسلامي حتي رحيل ناصر أنا بشكل شخصي لم أجد حاكم يستحق أن أقول رضي ألله عنه سوي جمال عبدالناصر رحمة ألله تعالي عليك يا ابو خالد الأغرب فى الموضوع أنك ممكن تلاقي وأحد من أهالينا الطيبين أبوه عاش ومات كان نفسه يأكل طبق بليله ويركب الحمار ويعدي على أحمد بيه من غير ما ينزل وهو أتعلم تعليم عالي ومجاني كمان وأكل بليله و رز باللبن وقاعد يقولك عبد الناصر أفسد الحياة التعلميه بقرار مجانيه التعليم قوم يا واد من قدامي شوف لك نصبايه
17 / 1 / 2019 رجب أبو الحارث
