10 مشاهدات
تعمل أيه لو سيارتك اتسرقت ؟؟؟
كتبت المحامية / مروة البكرى
في خطوتين مهمين لازم نعملهم بعد ما نعمل المحضر في القسم : اول حاجة :- انك تاخد رقم محضر السرقة اللى عملته وتطلع بيه علي مباحث المرور تعمل حاجه اسمها — إشارة نشر– ودي معناها انك بتنشر علي كل أجهزة الحاسب الآلي في مصر ان عربيتك اللى نمرها كذا مسروقه ودي ليها ميزه ان لو العربية وقفت في اي كمين وفحصوا النمر بالجهاز اللى مع ظباط المرور هيتعرف ان العربية دي مسروقة وان اللى مبلغ بالسرقة هو فلان وعنوانه. تاني حاجه :- انك تروح النيابة التابع ليها القسم اللي عملت فيه محضر السرقة وتطلب من وكيل النيابة يديك جواب للمرور اللى عربيتك تابعه ليه بوقف التعامل علي العربية بأي شكل . ملحوظة: خليك حريص وانت بتعمل اي محضر انك تسيب رقم تليفونك في المحضر نفسه عشان يقدروا يوصلولك.
نبذة عن الكاتب
