ارشادات لحمايه اسرتك

كتبت / مي وهبه

كل اب وام بيخافو علي اولادهم وطبعا عاوزين يعرفو اي دورهم اللي هيقدموه عشان يحمو اسرتهم واطفالهم بالاخص ده بقي موضوعنا النهارضه اللي هنتكلم فيه عشان نحافظ علي اطفالنا عندك ادويه في التلاجه منتهيه الصلاحيه اخلصي منها اول باول ومتحطيهاش في الزباله عشان طفلك ميلعبشي بيها ويتاذي بعد كدا فضيها في الحمام دي حاجه وعندك المبيدات الحشريه ومواد الطلاء بانواعها ابعديها عن الاطفال علي اد ما تقدري حتي ريحتهم متخلهموشي يشموها عشان خطيرة عليهم وياريت لو تحطيها في مكان عالي ومش متداول ايديهم بمعني ان الاطفال ميوصلوش ليها ولازم ننبه الاطفال بانهم ميلمسوش الحاجات دي وبالنسبه للاهل بياخدو منومات ومهدئات وادويه صرع وحساسيه واسهال وسمنه وغيرها ………خلي بالكم ده بياثر علي علاقتكم بالاطفال بمعني ان كثرة تناول هذه الادويه بتاثر علي الجهاز العصبي واللي بتخليك بتزعق وتتعصب علي اي حاجه مهما كانت صغيرة ومنها بقي بياثر علي الطفل بشكل سلبي ازاي بيخلي الطفل مش هيسمع كلامك هيعترض علي كل امر هتديهولو ده ممكن يخليه يلجا لكل حاجه انت بتحذرو منها ويعملها لمجرد العند فياريت نقلل الادويه دي لحد ما نمنعها تماما لان متنسوش اعند ناس هما الاطفال واياك ك اب او ام تتعاملو مع العند بالضرب ده اخطر مليون مرة المفروض تقنعوا برائيك . ناجي بقي للمصيبه الكبيرة مستحضرات التجميل والغير مرخصه من وزارة الصحه دي بقي مصيبه لاسباب كتيرة اوي لانها ضارة ومش مرخصه ولانها في متداول الاطفال يعني ممكن وانتي مشغوله كدا ومش واخده بالك تلاقي طفلك بهدل الدنيا والاطفال طبعا مش عليهم لوم اللوم عليكي انتي مش لازم تحطيهم قدام المرايه حطيهم في علبه وابعديهم عن اطفالك ومتحطيش منهم قدام الطفل متنسيش ان الطفل بيقلد وكم ناجي بقي لاخر حاجه وهي خلافات الاب والام والصوت العالي وده بياثر علي تفكيرهم ومستواهم الدراسي وبيخليهم في حاله عدم تركيز دايما وفي الآخر تقولو احنا عملنا اللي علينا لا بالعكس انتو موفرتوش اهم عنصر لنجاح الطفل وهو الهدوء والاستقرار والتفاهم اللي بيخلو نفسيه الطفل في حاله من الإبداع طبعا اتكلمنا عن إرشادات لأخطاء الوالدين اللي بيقعو فيها وقولنا ازاي يتعاملو معاها والمرة الجايه هنتكلم عن التسمم الغذائي بالتفصيل

60

SHARES

Share on Facebook

Tweet

Follow us

Share

Share

Share

Share

Share