كتبت سامية جمعة
تشترى متطلبات الشهر مرة واحدة مما يجعل التوفير اسهل فتشترى الفراخ ٣ فرخات ابيض وواحدة بلدى للحشو الابيض ومن الممكن تقطيع الصدور وعمل بانيه وتقسيمهم الى ثلاثة اكياس كل كيس عشرة وتقسييم نصف الفرخة الاخر إلى الدبابيس والفخدة ويتم تجميع الدبابيس ومثلهم اجنحة وتقسيمهم الى كيسين والفخاد نفسها وعددهم ستة يتم وضعهم فى كيس ليحضلا بهم صينيه بطاطس او خضار او شوي حتى الكبد والقوانص مع بطاطس وهيبقي طبق حلو او عمل مسقعه ولسان عصفور وياتى الدور اللحمه ممكن كيلو على نصين واخر مفروم على نصين وممكن لو مش هنقدر ع اللحمه لإرتفاعه الأسعار يتم شراء الكبدة المستوردة نصفين والمفروم من اللحمه للبشاميل ونص كفته او برجر او ممكن نكمل طاجن خضار بالكفته . السمك تشترى اربعة كيلو وتقسميه على ثلاثة اكياس الكيس الصغير يتم عمل شكوكة او صنية سمك وما شابه ذلك دلوقتى ممكن يفضل جزء من فراخ او من كفته او السمك ممكن يتم عمله كفته او طاجن بعد ما يتفصص اما اللحمه بتتقطع صغير خالص ليوم ممكن نعمل فطاير او بيتزات والفراخ ممكن ولو كميه الفراخ تنفع للشاورمه البتنجان والكوسه كلنا بنعمل محشي وبنرمى اللى بيطلع من القلب من النهاردة انسو الكلام دة خالص تاخدى كل اللى طلع من القلب وتحطيه فورق فويل الومنيوم ويتحط فالفرن عليه ميه بسيط اوى لحد مايستوى تفتحى تغرزى الشوكه تلاقيه بيتهرس معاكى تطلعيه ويتعمل بيه بابا غنوج زى الفل ولو عندك اطفال عمر سنه ونص قلب الكوسه حلو مع شويه رز ليهم
اللبن تجبيه يتغلى وتسبيه يبرد ويتشال فالتلاجه لتانى يوم تشيلى الوش وهكذا كل يوم لحد اخر الشهر هيعملك وش كتييير تطلعى اللى جمعتيه يفك كله وتحطيهم فى طبق كبير و وتضربى بالمضرب فيه كتير لحد ماتجمد وبعدها يفصل اللبن عن الزبدة وهتلاقي عندك كل شهر كيلو زبدة فلاحى اصلى ممكن تسيحيها وتبقي سمن بلدى او تستخدميها كدا اللبن اللى طلع منها يتعمل بيه احلى قرص طريه او كريم كرامل او كيكه اورز باللبن او مهلبيه او حتى رز معمر فالفرن مين بقي بيبقي عنده بسبوسه ناشفه او كيك ناشف او الجلاش المهرى الكيك الناشف لو بالفانيليا بتعملى كيك شيكولاته تحطى نص المقدار عادى وترصي الكيك الناشف وتغطى بنص المقدار التانى عادى تستوى تلاقيها كيك عادى جدا ملون واشكال فالنص وبردو البسبوسه الناشفه تتشال فالفريزر لما تعملى جلاش متلاقيش حشو احشيه البسبوسه هتطلع جميلة الفينو الناشف بيتعمل بقسماط للبانيه
البلح الاسود فى موسمه نأتى به ويفصص ونضعه فى صينيه عليه سمنه وسمسم ويتحط فالفرن بيبقي احلى عجوة ويعمل سندوتشات عادى للاطفال
البرتقال في موسمه يتم غسله ويقطع بالقشر عادى بس لو في بزر يتشال وحوالى اتنين كيلو عليهم كيلو سكر ونص كوب ميه وعالنار يغلى شويه وعالخلاط ينضرب بالقشر تماما ويرجع تانى للنار لحد مايتحول لمربي برتقال تفضل طول السنه لما تحبى تعملى كيكه برتقال تاخدى معلقه كبيرة ع كوب ميه تدوب فيها
الطماطم اعملوا صلصله المحشي وتتشال فالفريز وللخضار المرأة لا تحتاج سوى ان تكون مدبرة لأمورها فهى عمود الأسرة
